დანის მოვლა

ავტორი George Lapherashvili თარიღი

მიუხედავად იმისა რომ ტექნოლოგიურ ეპოქაში გვიწევს ცხოვრება, დანა ეს არის ერთი-ერთი აუცილებელი ნივთი. ჩვენი ყოველდღიური რუტინა, მის გარეშე წარმოუდგენელია. დანას ვიყენებთ, როგორც სამზარეულოში, ლაშქრობაში, თევზაობისას თუ ნადირობისას.

არიან ადამიანები, რომლებიც თვლიან, რომ დანა არ საჭიროებს მოვლა გაფრთხილებას. თამამად შემიძლია ვთქვა, რომ თქვენ ცდებით. ზუსტად დღევანდელ ბლოგ-პოსტში ვისაუბრებ, თუ როგორ უნდა მოვუართ ცივ-იარაღს.

დანის მოვლა

როგორ შევინახოთ დანა? ყველაფერი იმაზე მარტივია, ვიდრე ჩვენ წარმოგვიდგენია. სახლში დაბრუნებულს, გაასუფთავეთ და გაამშრალეთ დანა. მისი შენახვა, რეკომენდირებულია ქარქაშის გარეშე. შეიძლება კითხვა დაგებადოთ რატომ? იმიტომ, რომ ტყავმა შეიძლება ტენი აიღოს. დადასტურებულია, რომ ტენიან ადგილას ხანგრძლივად ყოფნისას, კოროზიაზე მგრძნობიარე დანები ბლაგვდება. რაც შეეხება კაიდექსის ქარქაშს, ის ჰაერს საერთოდ არ ატარებს. შესაბამისად, ასეთი ტიპის ქარქაშს სჭირდება ნაპრალი, საიდანაც ჰაერი იმოძრავებს.

კოროზია, ჟანგი, Rust

როგორ ვებრძოლოთ კოროზიას? პირველ რიგში, კოროზიამდე არ უნდა მივიყვანოთ საქმე. ამისთვის კი საჭიროა, რომ ჩვენი დანა მოვაშოროთ ტენიან ადგილს. გამოყენების შემდეგ კი აუცილებლად გავასუფთაოდ და მშრალად შევინახოთ.

რამდენ ხანში ერთხელ უნდა გავწმინდოთ ?  სასურველია თვეში ერთხელ მაინც გაასუფთაოთ თქვენი ცივი-იარაღები. თუ დიდი ხნით აპირებთ დანის შენახვას, მაშინ დანის პირი, უნივერსალური საპოხი/საწმენდი სპრეი WD-40-ით დაამუშავეთ და მშრალი ნაჭრით გაწმინდეთ.

WD-40

პოლირება სახლის პირობებში - ზოგჯერ მეტალს სხვადასხვა ლაქები უჩნდება, მისი მოცილება კი ძალიან მარტივად შეგვიძლია. ამისთვის კი გამოიყენეთ პოლირების პასტა, Autosol Metal Polish და Scotch Brite ქეჩა.

როგორ ავლესოთ სახლის პირობებში? შეიძინეთ დანის მწყობრში მოსაყვანი საშუალება მუსატი (musat). სახლის პირობებში, მისი გამოყენება, ყველაზე მარტივი და პრაქტიკულია. თუ ვატყობთ, რომ მუსატზე რამდენიმე გასმა აღარ ყოფნის, მაშინ დანა პროფესიონალურად უნდა გაილესოს. დაუშვებელია დანის ალესვა მექანიკურ სალესზე, ის აზიანებს დანის პირს.

მუსატ, ლესვა, გალესვა

პროფესიონალური ლესვა - თავდაპირველად უნდა აღვნიშნოთ, რომ ნებისმიერი ბრუნვადი, სწრაფი სალესი საშუალება როგორიცაა: ტაჩილა, გრინდერი თუ სხვა აზიანებს დანას. ხარისხიანი დანის ლესვა უნდა განხორციელდეს, ნელი და რაც მთავარია ცივი მეთოდით. პროფესიონალური ლესვის კუთხით Knife.ge რეკომენდაციას, ჩვენ მეგობარ და პარტნიორ კომპანია ლესე-ს ვუწევთ. 

ლესვა, ლესე, გალესვა

ლესე-ს უპირატესობა მდგომარეობს იმაში, რომ ის Kazak Pro-ს აპექს ტიპის დანის სალეს სისტემას იყენებს. ლესვა ხორციელდება ცივი მეთოდით და დღესდღეობით ლესვის ეს მეთოდი მსოფლიოში საუკეთესოა. ლესე ქართულ ბაზარზე ერთადერთია ვინც ამ მეთოდს იყენებს. 

ლესვა, ხელით ლესვა 

სალესი ქვები - დანის ასალესად გამოიყენება სპეციალური ქვები. თუმცა აქაც არის სახეობები, მაგალითად არსებობს: იაპონური სალესი ქვა (Japanese Whetstones) სინთეტური თუ ნატურალური, ზეთის ქვა (Oil Stones), ალმასის (Diamond Stones), კერამიკული (Ceramic Stones), არკაზანსის ქვა (Arkansas Stones). იმისათვის, რომ ქვაზე შეძლოთ დანის ალესვა, საჭიროა გარკვეული ცოდნა და გრადუსის დაჭერა.

  • 15 გრადუსის ფარგლებში ილესება სამართებელი
  • 20-30 გრადუსი სამზარეულოს დანები
  • 30-40 ჯიბის და სამონადირეო დანები

40 გრადუსზე ზემოთ, დანას სიბასრე ეკარგება, თუმცა რესურსი ემატება და შეგიძლია უხეშ ზედაპირზე გამოიყენოთ.  უნდა გვახსოვდეს, რომ დანა ეს არის ინსტრუმენტი, რომელიც იქმნება სხვადსხვა დანიშნულებისთვის. არსებობს, დანის გეომეტრია, დანის ინჟინერია. დაიცავი წესი და შენი ცივი-იარაღი დიდხანს მოგემსახურება.