Opinel ეს არის ფრანგული ბრენდი, რომელიც 1890 წლიდან დასაკეც დანებს აწარმოებს. აღნიშნული დანები, დიდი პოპულარობით სარგებლობს, როგორც მოგზაურთა წრეში, ასევე ფერმერებში. დღევანდელ ბლოგ-პოსტში ვისაუბრებ, თუ რა სხვაობაა Opinel Carbon-სა და Opinel Inox-ს შორის. ასევე რა დადებითი და უარყოფითი თვისებების მატარებელია.
რა განსხვავებაა ფოლადის ორ სახეობას შორის ? – Opinel Carbon-ის დასამზადებლად გამოყენებულია, საფრანგეთში წარმოებული, ნახშირბადოვანი ფოლადი XC90, ხოლო Opinel Inox ეს არის, უჟანგავი ფოლადი (stainless steel). Inox -ის შემთხვევაში გამოყენებულია, შვედური ფოლადი Sandvik 12C27. რა თქმა უნდა, ამ ორ ფოლადს, სხვადასხვა თვისებები გააჩნია.
| Carbon | Inox |
| სწრაფად განიცდის კოროზიას | უჟანგავი ფოლადი |
| დამზადებულია: ფრანგული ნახშირბადოვანი ფოლადით XC90 | დამზადებულია: შვედური, ფოლადით Sandvik 12C27. |
| ადვილია ალესვა | რთულია ალესვა |
| პირი სწრაფად კარგავს სიბასრეს | პირი დიდხანს ინარჩუნებს სიბასრეს |
| ნახშირბადოვანი ფოლადი უძლებს დარტყმას | უჟანგავი ფოლადი უფრო მყიფეა |
| წვერი განიცდის დეფორმაციას | წვერი ადვილად ტყდება |
პრემიუმ კლასის დანების შემთხვევაში, გამოიყენება ფოლადის უმაღლესი ხარისხი. Opinel-ის შემთხვევაში კი, ფოლადის შედარებით დაბალი სპექტრია გამოყენებული და ეს არც უნდა გაგვიკვირდეს, რადგან Opinel-ის ხიბლიც იმაში მდგომარეობს, რომ ის ხელმისაწვდომია.
რომელი ფოლადია კარგი ლაშქრობებისთვის? - თუ ტენიან გარემოში გიწევთ მოგზაურობა, რა თქმა უნდა, Opinel Inox საუკეთესო არჩევანია, მაგრამ თუ შენი ძირითადი მოთხოვნაა, ბასრი საშუალება, რომელიც არ შეუშინდება რთულ გამოწვევებს, მაშინ Opinel Carbon. ამ ფასში, ფრანგული დასაკეცი დანები, შეიძლება ითქვას, რომ უკონკურენტოა.
Opinel-ის სამოდელო ხაზი - აგერ უკვე 131 წელია, რაც ოპინელი, სხვადასხვა ზომის დანებს აწარმოებს. თითოეული მოდელი დანომრილია: N°02 , N°03 , N°04 , N°05 , N°06 , N°07 , N°08 , N°09 , N°10 , N°12 – ნომერი არც მეტი არც ნაკლები, დანის ზომას აღნიშნავს. ჟოზეფ ოპინელსაც ზუსტად ეს ჩანაფიქრი ჰქონდა, გაეადვილებინა ადამიანებისთვის სამუშაო პროცესი. ყველა ადამიანს ხო განსხვავებული ზომის ხელის აქვს? აღსანიშნავია ის ფაქტიც, რომ მინიატურულ მოდელის, Opinel №1-ის წარმოება 1932 წელს შეაჩერეს. ამის მთავარი მიზეზი, მისი გაბარიტები გახლდათ, ხოლო 1935 წელს, იგივე ბედი Opinel №11-მაც გაიზიარა.
რომელი მოდელი შევარჩიო ? ეს ყველაფერი დამოკიდებულია თქვენს, საქმიანობასა და ხელის ზომაზე. თუმცა ყოველდღიური რუტინისთვის, იდეალური ვარიანტი, N°08 გახლავთ.
სად შევიძინოთ ოპინელი?
Knife.ge-ზე დანების მსოფლიოში ცნობილი ბრენდი Opinel-ი დაგვემატა.
Opinel-თან ვთანამშრომლობთ ოფიციალურად, შესაბამისად დანების ხარისხზე და ავთენტურობაზე ვაგებთ პასუხს.
Opinel-ი 1890 წლიდან აწარმოებს და ყიდის ყველასათვის ცნობილ და საყვარელ დანებს. დანების სამშობლო მდებარეობს Saint-Jean-de-Maurienne-ში, Savoie, France, სადაც საოჯახო კომპანიის სათაო ოფისია, ასევე აქვე ფუნქციონირებს ამავე კომპანიის დანების მუზეუმი. კომპანია ყოველწლიურად ყიდის დაახლოებით 15 მილიონ დანას.
მშვიდობაში!