ჩვენი ჯგუფის დანები • KNIFE.GE-ის ერთერთი სიამაყე ქართველი ოსტატების მიერ დამზადებული დანებია.
დაარსებიდან, ეს იდეა გასდევდა ჯგუფს და სამომავლოდაც ამ კურსით გაგრძელდება მისი არსებობა. ყოველთვის გვინდოდა რომ ეს ჯგუფი ყოფილიყო სივრცე სადაც დანის ოსტატები შეძლებდნენ გამოეფინათ მათი ხელნაკეთი, უნიკალური დანები, მიეღოთ ობიექტური უკუკავშირი და წინასწარი შეკვეთები. ასევე, დამწყები ახალბედა Knife Maker-ებისთვის ეს ჯგუფი ყოფილიყო გარემო საიდანაც ისინი ისწავლიდნენ, მიიღებდნენ რჩევებს და კარგი გაგებით მოიწამლებოდნენ ამ საქმით.
ჯგუფში 25 ათას მომხმარებელზე მეტი დაგროვდა, მათ შორის არიან მოყვარულები, კოლექციონერები, მედანეები, ოსტატები, მჭედლები, ინდუსტრიის მხარდამჭერები პარალელური საქმიანობით და ბიზნესმენები.
აუდიტორიის მრავალფეროვნებიდან და ჯგუფის კურსიდან გამომდინარე, ადმინისტრაციამ ვიფიქრეთ, რომ ჯგუფის ფარგლებში პირველად საქართველოში მოვაწყოთ KNIFE Show Tbilisi 2022!
პროექტის მთავარი მიზანია გამოავლინოს ქართველი ოსტატის მიერ დამზადებული 2022 წლის საუკეთესო დანა (ნაკეთობა). ამასთანავე, გამოვლინდება საუკეთესო დანა (ნაკეთობა) შემდეგ ნომინაციებში:
- ნომინაცია ხალხის რჩეული - Facebook-ის დანების ჯგუფში იდება Poll მონაწილეების დანებით და ჯგუფის წევრები აძლევენ ხმას მათ სასურველ დანას. ხმის მიცემა მიმდინარეობს ფიზიკურ ივენთზე დაჯილდოვების დაწყებამდე და წყდება 5 წუთით ადრე გამოცხადებამდე;
- ნომინაცია ბორდის რჩეული - გამარჯვებულს გამოავლენს ცნობილი კოლექციონერებისგან, დანის მომხმარებლებისგან და ამ სფეროში მოღვაწე გამოცდილი ადამიანებისგან დაკომპლექტებული ბორდი.
- ნომინაცია დამწყების ესკიზი - წარმოადგენს დამწყები მედანეებისთვის წამახალისებელ კონკურს, რომლის ფარგლებშიაც, დამწყები მედანეები აგზავნიან მხოლოდ ესკიზს, მიუთითებენ გამოგზავნისას კონკურსის სახელს (დამწყების ესკიზი). გამარჯვებულს გამოავლენს ღონისძიების ორგანიზატორთა ჯგუფი. გამარჯვებულ დამწყებ მედანეს ღონისძიების ორგანიზატორები მიმდინარე წლის განმავლობაში დაეხმარებიან გამარჯვებული ესკიზის მიხედვით დანის შექმნაში;
- KNIFE 2022 - მთავარი ნომინაცია რომელიც ღონისძიების დღეს დასახელდება. დაწინაურებული ხალხის რჩეული დანებიდან (1, 2, 3 ადგილი), ბორდის რჩეული დანებიდან (1, 2, 3 ადგილი) და ორგანიზატორების მიერ შერჩეული 1 დანიდან, (ჯამში 7 დანა) ადგილზე, ღონისძიებაზე დამსწრეების მიერ ხმის მიცემით გამოვლინდება გამარჯვებული.
შეჯიბრზე მონაწილების მისაღებად საჭიროა მონაწილემ დაამზადოს დანა შემდეგი პარამეტრებით და წესების დაცვით:
- შეჯიბრზე მონაწილე დანის ტიპი - ფიქსი;
- დანის პარამეტრები - სრული სიგრზე მინ. 22 სმ, პირის სისქე მინ. 3 მმ, მისაღებია: ნებისმიერი პირის დაშვება და ფორმა, ნებისმიერი პირის და ტარის მასალა;
- შეჯიბრზე რეგისტრაცია ინსტრუქციის შესაბამისად შემდეგ ლინკზე: https://forms.gle/K7Rp125oTppAtUdJ7
- რეგისტრაციასთან ერთად იგზავნება მონაწილე დანის ესკიზი (ნახატი) ნებისმიერი ფორმატით შემდეგ ლინკზე: https://www.m.me/knifeshowtbilisi/
- საბოლოოდ დამზადებული დანა არ უნდა განხსვავდებოდეს ესკიზისგან მინ 20% მეტად;
- დანის ესკიზი და დანა უნდა გამოიგზავნოს დათქმულ ვადებში. დაგვიანებით გამოგზავნილი ესკიზი ან დანა არ მიიღება;
- მონაწილეობის რეგისტრაცია და ესკიზების მიღება მიმდინარეობს 31 მაისამდე.
- ივნისის პირველ კვირას, დარეგისტრირებული მედანეები მიიღებენ ორგანიზატორებისგან შეჯიბრში მონაწილეობის დასტურს. დადასტურების შეტყობინებიდან 20 დღის განმავლობაში მედანეებმა უნდა დაამზადონ ესკიზის მიხედვით დანა და გამოაგზავნონ ორგანიზატორებთან დანის მახასიათებლების მითითებით. ამ ეტაპის შესახებ უფრო დეტალურად დასტურის შეტყობინებასთან ერთად გაგაგებინებთ.
ხშირად დასმული შეკითხვები
როგორ არის პროექტი დაგეგმილი? რა ვადებია აღებული?
პროექტი KNIFE Show 2022 დაგეგმილია შემდეგნაირად: მაისში ხდება მედანეების რეგისტრაცია და ესკიზის გამოგზავნა. ივნისში მედანეებს უდასტურდებათ მონაწილეობა და იწყებენ მუშაობას. 1-20 რიცხვამდე სრულდება მონაწილე დანების დამზადება და იგზავნება ორგანიზატორებთან. ივლისში იწყება ხმის მიცემა ჯგუფში და ასევე სპეციალურად შექმნილი ბორდი აფასებს მონაწილე დანებს. სექტემბრის დასაწყისში ტარდება ღონისძიება და ვლინდება საბოლოო გამარჯვებული და ასევე ყველა სხვა ნომინაციის გამარჯვებული.
როგორ ვლინდება გამარჯვებული?
ხალხის რჩეული ვლინდება ჯგუფში ხმის მიცემით, ბორდის რჩეული ვლინდება ექსპერტების მიერ დანის შეფასებით. ესკიზის გამარჯვებულს გამოავლენს ჯგუფის ადმინისტრაცია. საბოლოო გამარჯვებული ვლინდება ღონისძიებაზე, დამსწრეების მიერ ადგილზე ნომინანტ დანებზე ხმის მიცემით.
როგორ ფასდება დანა?
დანა ფასდება როგორც ნაკეთობა, მონაწილეობის ყველა წესის დაცვა, არსებული ვიზუალური ხარვეზების ნაკლებობა, გამოყენებული მასალები დანის დასამზადებლად. ჩამოთვლილი ყველა ფაქტორი ახდენს გავლენას დანის გამარჯვებაზე.
რატომ აგზავნით დანის ესკიზს წინასწარ?
იმისათვის, რომ არ მოხდეს უკვე დამზადებული დანის გამორიცხვა შეჯიბრიდან, მედანეები წინასწარ ათანხმებენ გეგმას თუ რა დანით აპირებენ მონაწილეობის მიღებას პროექტში. დანის ესკიზად შეიძლება ჩაითვალის ნახაზიც და ფოტოც. საბოლოოდ დამზადებული დანა არ უნდა განხსვავდებოდეს ესკიზისგან მინ 20% მეტად.
შესაძლებელია თუ არა KNIFE 2022 - მთავარი კატეგორიაში და ესკიზის კატეგორიაში ერთდროულად მონაწილეობა?
დიახ შესაძლებელია მეტსაც გეტყვით, ერთი მონაწილის დანა შეიძლება გახდეს როგორც ჯგუფის ასევე ბორდის რჩეული, ასევე ესკიზის კატეგორიის გამარჯვებული შეიძლება რომელიმე სხვა კატეგორიის გამარჯვებულიც იყოს.
რა ბედი ეწევათ ნამუშევრებს (დანებს) შოუს დასრულების შემდეგ?
დანები დაუბრუნდებათ მათ მფლობელებს და ისინი თვითონ გადაწყვეტენ მათ ბედს.
რა ბედი ეწევათ ესკიზებს?
ესკიზებიც წარმოადგენენ მათი ავტორების საკუთრებას, შესაბამისად ისინი არ გასაჯაროვდება ორგანიზატორების მხრიდან და ასევე არავითაც შემთხვევაში არ მოხდება მათი გამოყენება მესამე მხარის მიერ დანის დასამზადებლად.
ჭრაზე თუ შემოწმდება გამარჯვებული დანები?
არა, ჭრაზე დანები არ შემოწმდება. დანა ფასდება როგორც ნაკეთობა, მონაწილეობის ყველა წესის დაცვა, არსებული ვიზუალური ხარვეზების ნაკლებობა, გამოყენებული მასალები დანის დასამზადებლად - ჩამოთვლილი ყველა ფაქტორი ახდენს გავლენას დანის გამარჯვებაზე.
გავიგე ამ პროექტის შესახებ, მაგრამ არავინ მეპატიჟება, არავის შემოუთავაზებია მონაწილეობა, ალბათ ორგანიზატორებისთვის საინტერესო ოსტატი არ ვარ...
რათქმაუნდა, ზემოთ ხსენებული მოსაზრება რეალობას არ წარმოადგენს, KNIFE Show 2022-ზე რეგისტრაცია ღიაა ყველასთვის და ვისაც სურვილი აქვს, რომ მიიღოს მონაწილეობა ძალიან მარტივად შეუძლია რეგისტრაცია. რომ ჩატარდება და რომ გკითხავენ რატომ არ მიიღე მონაწილეობაო? არავის არ დაუპატიჟებივარ პასუხი არ მიიღება.
ეს პროექტი უფრო შეჯიბრია თუ შოუ?
KNIFE Show 2022-ის სახელიდან გამომდინარე ალბათ გასაგებია ამ კითხვაზე პასუხი. ჩვენი ჯგუფის ერთერთი სიამაყე ქართველი ოსტატების მიერ დამზადებული დანებია.
დაარსებიდან, ეს იდეა გასდევდა ჯგუფს და სამომავლოდაც ამ კურსით გაგრძელდება მისი არსებობა. ყოველთვის გვინდოდა რომ ეს ჯგუფი ყოფილიყო სივრცე სადაც დანის ოსტატები შეძლებდნენ გამოეფინათ მათი ხელნაკეთი, უნიკალური დანები, მიეღოთ ობიექტური უკუკავშირი და წინასწარი შეკვეთები. ასევე, დამწყები ახალბედა Knife Maker-ებისთვის ეს ჯგუფი ყოფილიყო გარემო საიდანაც ისინი ისწავლიდნენ, მიიღებდნენ რჩევებს და კარგი გაგებით მოიწამლებოდნენ ამ საქმით.
პროექტის მთავარი მიზანია ამ ყველაფერს ხელი შეუწყოს და გამოავლინოს ქართველი ოსტატების მიერ დამზადებული 2022 წლის საუკეთესო დანები (ნაკეთობები).
უკვე რეგისტრირებული მონაწილეებისთვის შესაძლებელია თუ არა ესკიზის ანუ დანის იდეის ცვლილება?
დიახ, შესაძლებელია. მაისის ბოლომდე რეგისტრაცია გახნისლია, ანუ შესაძლებელია რეგისტრაცია და დანის იდეის ცვლილება შეუზღუდავად.
შესაძლებელია თუ არა კონკურსის გარეშე გამოფენაზე მონაწილეობა?
დიახ შესაძლებელია, კონკურსი წარმოადგენს შოუს ერთერთ კომპონენტს და არ არის მთავარი პროექტში. თუმცა, შოუს გამარჯვებული დანები ვლინდება კონკურსიდან და მათ გადაეცემათ შესაბამისი პრიზები. კონკურსის გარეშე მედანეებს შეუძლიათ სექტემბერში დაგეგმილ ღონისძიებაზე - გამოფენაზე მონაწილეობის მიღება. გამოფენაზე ასევე მონაწილეობას შეძლებენ ინდუსტრიის მონათესავე და დაახლოებული მიმართულებები (ამასთან დაკავშირებით მოგვიანებით უფრო მეტ დეტალს გაგიზიარებთ).
შესაძლებელია თუ არა რამოდენიმე დანით მონაწილეობა?
არა, კონკურსზე მონაწილეობა ხდება მხოლოდ ერთი დანით. არასაკონკურსო აქტივობებში, როგორიც არის გამოფენა ცხადია დანების რაოდენობა შეზღუდული არ არის.
შესაძლებელია თუ არა ფიქსირებული და დასაკეცი დანების კონკურსში ერთდროულად მონაწილეობა?
დიახ და არამარტო ფიქსირებულ და დასაკეცში, ასევე შესაძლებელია ესკიზის კონკურსშიც მიიღოთ ერთდროულად მონაწილეობა.
როგორ მივიღოთ მონაწილეობა KNIFE SHOW-ზე?
მონაწილეობის რეგისტრაცია და ესკიზების მიღება მიმდინარეობს 31 მაისამდე.
დარეგისტრირდით!!!
-
შეჯიბრზე რეგისტრაცია ინსტრუქციის შესაბამისად შემდეგ ლინკზე: https://forms.gle/K7Rp125oTppAtUdJ7
- რეგისტრაციასთან ერთად იგზავნება მონაწილე დანის ესკიზი (ნახატი) ნებისმიერი ფორმატით შემდეგ ლინკზე: https://www.m.me/knifeshowtbilisi/
ნომინაციებში გამარჯვებულებს ელით პრიზები რომელთა შესახებ ასევე მომდევნო პერიოდში შეგატყობინებთ.
მონაწილეების მსურველებისგან აპლიკაციების მიღება დაიწყო. დამატებით დეტალები პროექტის შესახებ, ეტაპობრივად დაიდება მომდევნო პოსტებში დანები • KNIFE.GE-ს ჯგუფში პროცესის განვითარების მიხედვით.
იმედი მაქვს, რომ დანების მოყვარულთათვის საკმაოდ სასიხარულო ინფორმაციაა და ჩვენ ყველა ერთად საინტერესო პროექტში მივიღებთ მონაწილეობას!