ადამიანმა ისურვა და გაიტანა. ნათლად ხედავთ, როგორი დაჟინებით, რა შეუპოვრად. დანა თავისუფალი ადამიანის ატრიბუტია, მან სხვადასხვა კულტურაში მნიშვნელოვი როლიც შეასრულა. მისი ისტორია, ქვის ხანიდან იწყება და კაცობრიობის განვითარების ფეხდაფეხ, დანაც ვითარდებოდა.
ინდივიდის ცხოვრებაში დგება მომენტი, როდესაც ის, მეტნაკლებად ყველაფერს აღწევს. ამ დროს, კი განსაკუთრებული ლტოლვა უჩნდება ხელოვნების ნიმუშების მიმართ. კოლექციონერები, განსხვავებული პროფესიის ადამიანები გახლავთ. მათ მუზეუმში მომუშავე თანამშრომლებს შევადრიდი. კოლექციონერებს, ბევრი რამ შეუძლიათ გიამბონ, მითები დაამხსვრიონ და საიდუმლოებებს ფარდა, თუნდაც ხუთ წუთში ახადონ.
დღევანდელ ბლოგ-პოსტში, მედიცინის მეცნიერებათა დოქტორს და ცნობილ კარდიოქირურგს, ბ-ონ ზაზა კაციტაძეს გაგაცნობთ. ის განთქმული კოლექციონერია და ცივი იარაღების ფასდაუდებელ ნამუშევრებს ფლობს. ბ-ნმა ზაზამ, უნიკალური კოლექციის შეგროვება, 2014 წელს ამერიკელი მჭედლის, A. G. Russell-ის დასაკეცი დანით (Mammoth and Damascus One Hand Knife) დაიწყო. შეიძლება ითქვას, რომ ეს იყო „სიყვარული ერთი შეხედვით“. დანის პირი, დამზადებულია დამასკური ფოლადით, ხოლო ტარი დამზადებულია, მამონტის ეშვით. საქართველოში ასეთი ეგზემპლარი, სულ სამ ადამიანს აქვს.
A. G. Russell Mammoth and Damascus One Hand Knife)
ბ-ონ ზაზას კოლექციაში იხილავთ, Camillus-ის ბრენდის დანასაც NY 11-1968. ეს მშვენიერი ნივთი, ვიეტნამის ომის დროს, ამერიკელი პილოტების განუყრელი მეგობარი გახლდათ. მას არაერთი პილოტის სიცოცხლე გადაურჩენია. ამ დანას, ბატონი ზაზასთვის სიმბოლური დატვირთვაც აქვს.
US Camillus NY Military Pilot Survival Knife
ბ-ნი ზაზა, მთელი ორი წელი უცდიდა ფინელ მჭედელს, Pekka Tuominen-ს. რათა შეესრულებინა მისი შეკვეთა. ეს არის ნამდვილი ხელოვნების ნიმუში. დანის თითოეული დეტალი, საიუველირო სიზუსტითაა დამუშავებული. თამამად შეიძლება ითქვას, რომ Pekka Tuominen-ის ხელნაკეთი დანები, კოლექციონერებისთვის ისეთივე მნიშვნელოვანია, როგორც მსოფლიო ლიტერატურისთვის გოეთეს „ფაუსტი“.
Pekka Tuominen Custom Knives
მის კოლექციაში, იხილავთ რუსი, ქალი მჭედელის, ნატალია ზაბელინას (Наталья Забелина) გასაოცარ ნამუშევარს, რომელიც ერთგვარი ფუფუნების სინონიმიცაა. ტარი დამზადებულია თეთრი - ზღვის ლომის ეშვით, მეორე მხარე მამონტის ეშვით.
Natalya Zabelina Side A
Natalya Zabelina Side B
კოლექციონერი მუდამ მზად არის, თუნდაც არარაციონალურად დიდი თანხა დახარჯოს, მისთვის სასურველ ნივთში, რათა შეავსოს ის კოლექცია, რომლის შეგროვებასაც დიდი დრო და ენერგია დაუთმო. ბ-ნი ზაზას კოლექციაში, ნამდვილი ვინტაჟური ნივთი, 2018 წელს გამოჩნდა. ეს გახლავთ, SA-Ehrendolch.
SA-Ehrendolch
დილეტანტისთვის, ერთი ჩვეულებრივი ნაცისტური გერმანიის დროინდელი ხანჯალია, მაგრამ ესე მარტივად არ არის საქმე. ერნსტ რემის დასაჯილდოვებელ ხანჯალს, პირზე წარწერა აქვს: „In Herzlicher Kameradschaft Ernst Röhm“ ის 1934 წლის 3 თებერვლით თარიღდება. ჯამში 9,800 ეგზემპლარია დამზადებული. ერნსტ რემის სიკვდილით დასჯის შემდეგ, ვისაც კი აღნიშნული ხანჯალი ჰქონდა, ცდილობდა მოეშორებინა, რათა თავიდან აიცილებინათ, ფიურერის რისხვა.
In Herzlicher Kameradschaft Ernst Röhm