დანის გაყიდვა KNIFE Market-ზე

Knife Market-ი Knife.ge-ს სპეციალური კატეგორიაა, საიდანაც ჩვენ შეგვიძლია გავყიდოთ თქვენი დანები. Knife Market-ი გაგიწევთ საბროკერო მომსახურებას დანის გაყიდვის დროს - მოამზადებს დანას გასაყიდად (მცირედი შეკეთება, მოწესრიგება, დაზეთვა, გალესვა და შეფუთვა), შეაფასებს მას, განათავსებს საიტზე, მოუძებნის მყიდველს და გაყიდის დანას თქვენი შეწუხების/ჩარევის გარეშე და ანონიმურობის შენარჩუნების გათვალისწინებით. Knife.ge-ს Knife Market-იდან დანის გაყიდვა შესაძლებელია საბანკო გადარიცხვით, პლასტიკური ბარათით და ონლაინ განვადებით რაც ბევრად ზრდის დანის გაყიდვის შესაძლებლობას.

Knife Market-ითსვის მისაღები დანები მოიცავს ხელნაკეთ, ანტიკვარულ ან წარმოებულ დანებს. როგორც წესი, იმისთვის, რომ დანა განთავსდეს ჩვენთან, საჭიროა დანის ჩვენთან გამოგზავნა, ასევე მისი ღირებულება უნდა შეადგენდეს მინ. 50 აშშ დოლარს. თუ არ ხართ დარწმუნებული, რომ თქვენი დანის ღირებულება შეესაბამება ჩვენს მოთხოვნებს, გთხოვთ, მის განსახილველად გამოაგზავნოთ დანის აღწერა და ფოტოსურათი ელ.ფოსტაზე jaba@oldboy.ge ან დაგვიკავშირდით ნომერზე 555 11 99 66.

დანის მიღების შემდეგ, მისი მდგომარეობიდან გამომდინარე ჩავუტარებთ საჭირო სამუშაოებს თქვენთან შეთანხმებით, შევაფასებთ და გადავუღებთ ფოტოებს ვებ-გვერდისთვის. დანის შეფასებაში მონაწილეობას იღებს 5 ადამიანისგან შემდგარი ჯგუფი რომელიც დაკომპლექტებულია კოლექციონერებისგან, დანის მწარმოებლებისგან და მლესავისგან.

სანამ დანა გამოჩნდება გასაყიდად ვებ-გვერდზე შეგითანხმებთ მის გასაყიდ ფასს და მხოლოდ თქვენი დასტურის შემდეგ განვათავსებთ დანებს Knife Market-ზე.

Knife Market-ის და დანის გაყიდვის მსურველებს შორის შეთანხმება გამჭვირვალეა და მარტივი. გაყიდული დანიდან Knife Market-ი იტოვებს ღირებულების 30%. დანის მფლობელს გაყიდვიდან 5 სამუშაო დღის განმავლობაში ეგზავნება დანის ღირებულების 70%.

Knife Market-ის ვებ-გვერდზე, თუ თქვენი დანა არ გაიყიდა 60 დღის განმავლობაში, ფასი 10%-ით შემცირდება. თუ მომდევნო 30 დღეში დანა არ გაიყიდა, დანის ფასი კიდევ 10%-ით შემცირდება და ასე გაგრძელდება ყოველი 30 დღის გასვლის შემდეგ სანამ არ გაიყიდება ან დანის ფასი არ ჩამოვა 50 აშშ დოლარზე ქვემოთ, ასევე სანამ თქვენ არ მოგვთხოვთ მის უკან დაბრუნებას.

დამატებითი კითხვების შემთხვევაში, გთხოვთ, დაგვიკავშირდით ნომერზე 555 11 99 66 ან ელ.ფოსტაზე jaba@oldboy.ge