როგორ მოვაშოროთ ჟანგი დანებიდან

დანების უმრავლესი მოდელი  შექმნილია გამძლე და მრავალფეროვანი მასალისგან, რომლებიც გამოიყენება სხვადასხვა დანიშნულებისამებრ. თუმცა, საუკეთესო მათგანიც კი შესაძლოა დაჟანგდეს თუ სათანადოდ არ არის დაცული მოხმარების წესები. 

ბევრი ვარაუდობს, რომ უჟანგავი ფოლადის პირები იმუნურია ჟანგის მიმართ, მაგრამ სინამდვილეში, ყველა ფოლადმა დროთა განმავლობაში შესაძლებელია განიცადოს კოროზია.

საბედნიეროდ, არსებობს მარტივი ტექნიკები რომლებიც დაგეხმარებათ სახლში თავად გაწმინდოთ და მოაშოროთ დაჟანგული ადგილები დანას. 

დანიდან ჟანგის მოსაშორებლად რამდენიმე გზა არსებობს სადაც თქვენ არ გჭირდებათ სპეციალიზებული ქიმიკატები ან აღჭურვილობა. 

ჟანგიანი ან შეღებილი დანის პირვანდელი სახის აღსადგენად საჭირო ნივთები სავარაუდოდ უკვე თქვენს საკუთრებაშია, ასე რომ, თუ თქვენ გაქვთ დაჟანგული ან შეღებილი დანა, რომლის აღდგენა გსურთ, სწორად ეს სტატია მოგაწვდით ღირებულ ინფორმაციას.

ჩვენ განვიხილავთ დანის დაჟანგვის მიზეზებს, დაჟანგებული დანის გამოყენებასთან დაკავშირებულ რისკებს და დანიდან ჟანგის მოცილების მეთოდებს. 

ამ სტატიის ბოლოს, თქვენ უკვე გექნებათ ყველა საჭირო ინფორმაცია იმისთან დაკავშირებით რომ თქვენი დანები აღარ იყოს კოროზირებული.

რა იწვევს დანების ჟანგს?

ლითონის დაჟანგვა ხდება მაშინ, როდესაც რკინის შემცველობა რეაქციაში შედის წყალთან და ჟანგბადთან. 

ასე რომ, რაც უფრო მეტი შეხება ექნება თქვენს დანას ტენიანობასთან, მით უფრო მაღალია ჟანგის განვითარების რისკი. 

მზარეულის დანები და სანადირო დანები მათი დანიშნულებიდან გამომდინარე ხშირად მჭიდრო კავშირშია ტენიანობასთან, მაგალითად სხვადასხვა საკვების მოჭრისას და შემდგომ წყლით გასუფთავებისას, რაც კიდევ უფრო ზრდის დაჟანგვის რისკს.

თანამედროვე დანების უმეტესობა ბაზარზე იყიდება, როგორც უჟანგავი ფოლადი, გარედან ქრომირებული მცირე ფენით. მიუხედავად იმისა, რომ ეს ფენა გვთავაზობს გარკვეულ დაცვას ჟანგისგან, ის არ ხდის დანას ჟანგგამძლეს.

იმის გამო, რომ დანა გამოიყენება სამზარეულოს მაღალი ტენიანობის გარემოში ყოველდღიურად ის აუცილებლად განიცდის კოროზიას დროთა განმავლობაში. 

მნიშვნელოვანია აღინიშნოს, რომ ტენიანობის ზემოქმედება არ არის სამზარეულოს დანების დაჟანგვის ერთადერთი მიზეზი. 

თქვენს სამზარეულოში რამდენიმე ფაქტორი როგორიცაა ჭურჭლის სარეცხი საშუალებები და მჟავე საკვები რეგულარულად კონტაქტშია დანასთან, რაც ასევე აჩქარებს ჟანგის განვითარების პროცესს, თუ დანაზე დიდხანს დარჩა. 

დანაზე წარმოქმნილი ჟანგი  ნელ-ნელა ჭამს ლითონს აბლაგვებს და ამცირებს დანის ხარისხს, რომ აღარაფერი ვთქვათ იმაზე, რომ ჟანგი გამოიყურება არასასიამოვნოდ  და ასევე  აფუჭებს  თქვენი საკვების გემოს.

ჟანგიანი დანის გამოყენებასთან დაკავშირებული რისკები

ახლა, როდესაც თქვენ იცით რა იწვევს დანის დაჟანგებას, აუცილებელია გაიგოთ დაჟანგული დანის გამოყენების რისკები.

იმის გამო, რომ დანები გამოიყენება საკვების მოსამზადებლად და ზოგჯერ ნადირობისას, დაჟანგებულმა დანამ შეიძლება გამოიწვიოს დაბინძურება და დატოვოს ნარჩენები თქვენს საკვებში. 

მიუხედავად იმისა, რომ ჟანგი უმეტეს შემთხვევაში არ არის ტოქსიკური და არ წარმოადგენს სერიოზულ საფრთხეს ადამიანის ჯანმრთელობისთვის, ის გავლენას ახდენს  საკვების ვიზუალზე და ასევე უცვლის გემოვნურ თვისებებს. 

არავის სურს იხილოს ჟანგის ნაწილაკები საკვებში და მითუმეტეს დააგემოვნოს, მიუხედავად იმისა რომ ის არატოქსიკურია.

ამიტომ უმჯობესია თქვენი დანა გაწმენდილ იქნეს ჟანგისგან. 

როგორ მოვაშოროთ ჟანგი დანებიდან?

ახლა, როდესაც თქვენ იცით დანის დაჟანგვის გამომწვევი და ხელისშემწყობი პირობები დროა ვუპასუხოთ მთავარ კითხვას.

როგორ შეგიძლიათ დამოუკიდებლად მოაცილოთ ჟანგი დანიდან სახლის პირობებში? 

გახსოვდეთ, რომ მეთოდები, რომელსაც ქვემოთ გაგიზიარებთ, შეიძლება გამოყენებულ იქნას ჟანგის მოსაშორებლად ნებისმიერი დანიდან. 

ასე რომ, არ აქვს მნიშვნელობა ეს არის სამზარეულოს დანა, სანადირო, თუ სხვა დანიშნულების, ქვემოთ აღწერილი მეთოდები შეგიძლიათ გამოიყენოთ დანიდან ჟანგის მოსაშორებლად. 

გახეხეთ დანა აბრაზიით

თუ დანაზე ჟანგის ჩამოყალიბება ახალი დაწყებულია, ამ შემთხვევაში რეკომენდებულია მისი გაწმენდა აბრაზიულად. 

აბრაზიულ ნივთს, ადრეულ ეტაპზე შეუძლია გააპრიალოს დანა და მოაცილოს ჟანგი.

თუ წვრილი ღორღი მიუწვდომელია, შეგიძლიათ გამოიყენოთ კორპის საცობი დანის გასაპრიალებლად.

დადეთ დანა აბრაზიულ ნივთზე და გასმითი მანევრით სცადეთ ჟანგის მოცილება, მოქმედება გაიმეორეთ იმდენჯერ სანამ ჟანგი არ მოიშორდება.

მას შემდეგ, რაც მთელი ჟანგი მოიხსნება, დანა გაწმინდეთ სუფთა ქსოვილით.

დანის ძმრით წმენდა

ძმარი ფართოდ გამოიყენება ზედაპირებიდან ჟანგის მოსაშორებლად და გასაკვირი არ არის, რომ ამ მჟავე სითხეს დანებიდან ჟანგის მოსაცილებლადაც ხშირად იყენებენ. 

აიღეთ კონტეინერი, რომელიც საკმარისად დიდია იმისთვის რომ დანა თავსუფლად მოთავსდეს შიგნით. ჩაასხით კონტეინერში თეთრი ძმარი და მოათავსეთ დანა შიგნით 5 წუთის განმავლობაში.

როდესაც ძმარი შეჭამს ჟანგს, შეგიძლიათ გამოიყენოთ ღრუბელი ან პირსახოცი რათა მოაცილოთ დანაზე დარჩენილი ჟანგი ძმრის აბაზანის შემდეგ. 

შემდგომ გაამშრალეთ დანა სუფთა ქსოვილით და თქვენი დანა ახალივით იქნება. 

საცხობი სოდის მეთოდი

საცხობი სოდა ჟანგზე ისეთივე ზემოქმედებას ახდენს, როგორც ძმარი და შეიძლება გამოყენებულ იქნას დანებიდან ჟანგის მოსაცილებლად. 

ჟანგის მოსასშორებლად საცხობი სოდა არ უნდა იქნეს გამოყენებული ფხვნილის სახით. 

ამის ნაცვლად, თქვენ უნდა შეურიოთ საცხობი სოდა წყალს. 

ჩაყარეთ საცხობი სოდა თასში და შემდეგ დაამატეთ ცოტა წყალი, მიიყვანეთ იმ დონემდე სანამ არ დაემსგავსება პასტის კონსისტენციას.

მიღებული ნაზავი წაუსვით დანას და დარწმუნდით, რომ მასა ყველგან კარგად გადაანაწილეთ. 

ახლა გამოიყენეთ კბილის ჯაგრისი ან რბილად აბრაზიული ღრუბელი, რომლითაც უნდა მოხდეს ზედაპირზე ზემოქმედება. 

თუ ჟანგი დიდი ხნისაა და ზემოთ აღნიშნულით უჭირს მოშორება , ყოველთვის შეგიძლიათ გამოიყენოთ უფრო მეტად აბრაზიული ზედაპირი, როგორიცაა ფოლადის ბამბა ან სათლელი ქვა. 

მას შემდეგ, რაც მთელს ჟანგს მოიცილებთ, დანის პირი სუფთა ქსოვილით გაწმინდეთ.

კარტოფილის მეთოდი

ამ ტექნიკის გამოყენებით თქვენ ვერ შეძლებთ ძლიერად დაჟანგებული დანების გაწმენდას თუმცა, თუ თქვენს დანას აქვს მსუბუქი ზედაპირის დონის ჟანგი, მაშინ კარტოფილის გამოყენება ნამდვილად დაგეხმარებათ.

კარტოფილი შეიცავს მჟავას, რომელიც ცნობილია როგორც ოქსილის მჟავა, რომელიც რეაგირებს ჟანგთან და ხსნის მას.

გაჭერით კარტოფილი შუაზე და დანის პირზე გაუსვი იმდენჯერ სანამ არ მოშორდება ჟანგი. ჟანგის მოცილების შემდგომ გაწმინდეთ სუფთა ქსოვილით. 

დანიდან ჟანგის მოცილების ყველა ზემოთ ჩამოთვლილი მეთოდი ეფექტურია სხვადასხვა ტიპის ფოლადის უმეტესობისთვის, მიუხედავად იმისა უჟანგავია თუ არა ის.

რაც შეეხება აბრაზიული მეთოდით დანის წმენდისას ფრთხილად უნდა იყოთ, რადგანაც  ჟანგის მოშორებისას არსებობს რისკი იმისა, რომ დანის ზედაპირიდან ნებისმიერი გრავიურა ან ნახატი გააფუჭოთ. 

ასე რომ, თუ თქვენ გაქვთ ძვირადღირებული დანა, ჟანგის მოცილების რბილი მეთოდები, როგორიცაა საცხობი სოდის გამოყენება და კარტოფილით წმენდა, იდეალურია მისი ზედაპირის შესანარჩუნებლად. 

ჟანგის მოცილების ბონუს მეთოდი

დაფარეთ ნახშირბადოვანი ფოლადის დანა ზეთით: ნახშირბადის დანისთვის სასარგებლოა ზეთით დაფარვა ყოველი გამოყენების შემდეგ. მას შემდეგ რაც დაასრულებთ დანის გამოყენებას, შეგიძლიათ მთლიანად გარეცხოთ და კარგად გააშროთ შემდეგ გამოიყენოთ ნებისმიერი მინერალური ზეთი და დაიტანოთ ზეთის ფენა დანის მთელ ზედაპირზე. 

მოერიდეთ ზეთების გამოყენებას, რომლებიც დროთა განმავლობაში შეიძლება გახდეს წებოვანი ან გაიხეხოს; ამის ნაცვლად, გამოიყენეთ მინერალური ან სპეციალური საწმენდი დანის ზეთი.

ნახშირბადობანი ფოლადის მქონდე დანის პირის მოსავლელად შეგიძლიათ გამოიყენოთ KPL კოროზიის პრევენციული დანის გამწმენდი. მას ახასიათებს:

• დანების შენახვისას ჟანგის პრევენცია;
• ასუფთავებს, აცილებს ცხიმს და აპრიალებს;
• გამოიყენება ყველა ფოლადზე და მეტალის მასალაზე;
• ზედაპირს ეკვირს ფირის სახით და იცავს მას კოროზიისგან;
• %100 უსაფრთხო საკვებზე დანის გამოყენებისას, არატოქსიკური;

დანების ონლაინ მაღაზია KNIFE გთავაზობს დანის მოვლის პროფესიონალურ საშუალებებს! ამერიკული ბრენდი KPL-ი წარმოადგენს დანის მოვლის საშუალებების მიმართულებაში ლიდერს და გვთავაზობს დანის მოვლის ყველაზე ხარისხიან საშუალებებს, როგორიც არი სხვადასხვა სიბლანტის ზეთები პივოტის მექანიზმისთვის, საწმენდ საშუალებებს (სპეციალურ ჩხირებს რთულად მისაწვდომი ადგილების დასამუშავებლად), დაჟანგებისკენ მიდრეკილი დანის პირის დამცავ საშუალებებს, ჭანჭიკების ფიქსატორებს და ა.შ.

დასკვნა

ზემოთ ჩამოთვლილი მეთოდები იდეალურია სახლის პირობებში განსახორციელებლად.

ახსნილი მეთოდები არ საჭიროებს სპეციალურ ინსტრუმენტებს ჟანგის მოსაშორებლად და თქვენ შგიძლიათ თქვენი სახლის კომფორტიდან გამომდინარე მორგებული მეთოდის არჩევა. 

დანის წმენდისას უმჯობესია გამოიყენოთ ხელთათმანები, რათა დაიცვათ ხელები დაზიანებისგან.

და ბოლოს თუ საქმე გაქვთ უაღრესად დაჟანგებულ დანასთან და ზემოთ აღნიშნულმა მეთოდებმა ვერ მოგცათ მოსალოდნელი შედეგები, ყოველთვის შეგიძლიათ მიიღოთ ექსპერტის დახმარება, ან შეიძინოთ ახალი დანა.