დანის გამოწერა (შეკვეთა უცხოეთიდან)

Knife.ge-ზე სერვისების განყოფილებაში დაგვემატა გამოწერის სერვისი!

გამოწერის სერვისი გულისხმობს თქვენთვის სასურველი დანის (მოდელის) მოძიებას და გამოწერას.

კოლექციისთვის დანების ყიდვის მრავალ წლიანი გამოცდილებიდან გამომდინარე შევაგროვეთ სანდო და გამოცდილი დანის შეძენის სხვადასხვა ნაკლებად ცნობილი წყაროები. ეს არის სხვადასხვა ბრენდის დილერების ვებსაიტები, რომლებიც მცირე რაოდენობით ყიდიან შესაბამისი ბრენდის დანებს და ჩვენ მათ ვიცნობთ პირადად, გვითანამშრომლია და გვაქვს მათთან შეძენის წარმატებული გამოცდილება.

გარდა ამისა, კონკრეტული დანის ბრენდების ვიწრო Facebook-ის ჯგუფებში ვართ გაწევრიანებული საიდანაც შეგვიძლია იშვიათი, ლიმიტირებული და წარმოებიდან ამოღებული (შეწყვეტილი) დანების მოძიება და შეძენა.

დამატებით, დანის მწარმოებლებთან გვაქვს პირდაპირი კომუნიკაცია და ნებისმიერი კითხვის შემთხვევაში (მაგალითად დანის შეძენა პირდაპირ მწარმოებლისგან, გარანტია, შეკეთება, ავთენტურობა და ა.შ.) შეგვიძლია გაგიწიოთ შუამავლობა და კონსულტაცია.

ასევე გვაქვს შესაძლებლობა დანები შევიძინოთ ისეთი ონლაინ მაღაზიებიდან, რომლებიც არ ატარებენ ქართულ საბანკო ბარათებს. ამასთან ერთად, ვთანამშრომლობთ ისეთ გადამზიდ კომპანიებთან, ვისაც ვიცნობთ პირადად რაც ამარტივებს და უფრო უსაფრთხოს ხდის ამ პროცესს.

გამომდინარე აქედან ჩვენ შეგვიძლია დაგეხმაროთ დანის გამოწერაში მინიმალური მომსახურების საკომისიოს დამატებით.

 

შეკვეთის განხორციელება

მოგვაწოდეთ სასურველი დანის სახელი, ფოტო ან ლინკი. ჩვენ მოგიძებნით დანას და მოგაწვდით შეკვეთის ჯამურ კალკულაციას.

პირველ ეტაპზე Knife.ge-ს ანგარიშზე გვირიცხავთ დანის ღირებულების შესაბამის თანხას საქართველოს ბანკის $-ის კურსით. დანის საქართველოში ჩამოტანის შემდეგ რიცხავთ ტრანსპორტირების და მომსახურების საკომისიოს. შემდეგ მოგაწვდით დანას ნებისმიერ ლოკაციაზე მთელი საქართველოს მაშტაბით.

თქვენი სურვილის შემთხვევაში ჩამოტანილი დანა შეგვიძლია პირდაპირ Knife Market-ზე განვათავსოთ თქვენს მიერ მითითებული ახალი ფასით.